“అమ్మ చనిపోయిందిరా.” – “నేను రాను..”
నలభై ఏళ్లు కలిసి బతికిన భార్య సరిత నిద్రలోనే కన్నుమూసింది. మోహన్ ఢిల్లీలో ఉన్న ఒక్కగానొక్క కొడుకు మహేష్కు ఫోన్ చేశాడు. ఫోన్లో కొడుకు ఒకే మాట అన్నాడు: “సారీ డాడీ.. నేను రాను..”
ఊరంతా ఒకటే మాట – “అమ్మ చనిపోతే కడచూపుకు కూడా రాలేదంటే వాడు మనిషేనా?” కానీ అసలు నిజం ఎవరికీ తెలీదు.
టెన్త్ స్టేట్ ఫస్ట్. ఇంటర్ స్టేట్ ఫస్ట్. ఇంజినీరింగ్ టాపర్. జీతంలో టాపర్. కొడుకు కోసమే బతికిన ఆ తండ్రి ప్రశ్న ఒక్కటే: “ఇంతకూ మేమేం పాపం చేశామని వాడు రాలేదు?”
దశదిన కర్మ రోజు మహేష్ దగ్గర నుంచి ఒక కవర్ వస్తుంది. అందులో ఒక డైరీ లాంటి పుస్తకం. దానికి అతికించిన చిన్న కాగితం మీద:
“నాన్నా.. అమ్మ చనిపోయినా నాకు రావలనిపించలేదు. ఎందుకు రావాలనిపించలేదో మీకు వివరంగా ఈ పుస్తకంలో రాశాను. – మీ కొడుకు మహేష్”
ఆ ఉత్తరమే ‘అమ్మానాన్నకు’. మహేష్ ఎందుకు రాలేదు? ఆ జవాబు ఈ నవలలోనే ఉంది.
పిల్లల్ని పెంచుతున్నామా, లేక పందెం కోళ్లని తయారు చేస్తున్నామా?
మార్కులు, ర్యాంకులు, క్యాంపస్ ప్లేస్మెంట్లు… ఈ పరుగులో పిల్లల్ని తల్లిదండ్రులు, తల్లిదండ్రుల్ని పిల్లలు ఎలా కోల్పోతున్నారో కళ్లకు కట్టి చెప్పే నవల ఇది. ఒక తండ్రి వైపు నుంచి, ఒక కొడుకు వైపు నుంచి – ఇద్దరి నిజం.
ఈ నవల ఎవరు చదవాలి
-
తల్లిదండ్రులు – పిల్లల భవిష్యత్తు కోసం పరుగెడుతున్న ప్రతి అమ్మానాన్న.
-
పిల్లలు – హాస్టళ్లలో, కోచింగ్ సెంటర్లలో, దూర నగరాల్లో ఉద్యోగాల్లో ఉన్న ప్రతి కొడుకు, కూతురు.
-
ఉపాధ్యాయులు – చదువు అంటే ర్యాంకేనా అని ఆలోచించే ప్రతి ఒక్కరు.
చదివిన తర్వాత మీ అమ్మానాన్నకు ఒక ఫోన్ చేయాలనిపిస్తుంది. లేదా ఈ పుస్తకాన్ని వాళ్లకు బహుమతిగా ఇవ్వాలనిపిస్తుంది.
రచయిత గురించి
సుంకోజిదేవేంద్రాచారి కడపలో ఉంటారు. వృత్తి రీత్యా జర్నలిస్టు, ప్రవృత్తి సాహిత్యం. మొదటి కథ ‘బంగారుపంజరం’ 1997లో వార్త దినపత్రికలో వచ్చింది. దాదాపు 100 కథలు, 100కు పైగా కవితలు, 7 నవలలు రాశారు. భారతీయ భాషాపరిషత్ (కలకత్తా), పెద్దిభొట్ల సుబ్బరామయ్య స్ఫూర్తి పురస్కారాలతో పాటు పలు పురస్కారాలు అందుకున్నారు. పల్లె బతుకు చిత్రానికి పేరుపొందిన కథకుడు.
వివరాలు
- పుస్తకం: అమ్మానాన్నకు (నవల)
- రచయిత: సుంకోజిదేవేంద్రాచారి
- భాష: తెలుగు
- ISBN: 9788168562837
- ప్రచురణ: బాలా పుస్తక ప్రచురణలు – because some books must exist
ఒక కొడుకు రాసిన ఉత్తరం. ప్రతి ఇంటికీ చేరాల్సిన ఉత్తరం. ఈ రోజే మీ కాపీ ఆర్డర్ చేయండి – మీ అమ్మానాన్నకు ఒక కాపీ పంపండి.
